No special treatment sa 1st presidential flight ni Digong

DAVAO CITY, Philippines – Wa­lang special treatment mula sa Civil Aviation Authority of the Philipines (CAAP) kay President Rodrigo Duterte matapos itong manumpa bilang 16th president ng bansa sa kanyang pagbiyahe patungong Davao City gamit ang isang private jet noong Biyernes ng gabi.

Bandang alas-7 ng gabi nang umalagwa ang eroplanong Gulfstream G150 sakay si Pres. Duterte kung saan walang special treatment na 30-minute no-fly time sa ere ng Metro Manila at karatig lugar.

Maging ang ginagawang protocol ng Phil. Air Force na may advance teams na helicopter na umaaligid sa himpapawid bago lumipad at lumapag ang nasabing eroplano ni Pres. Duterte ay kapansin-pansin na nawala.

Bandang alas-7 ng gabi nang umalagwa ang eroplanong Gulfstream G150 sakay si Pres. Duterte kung saan walang special treatment na 30-minute no-fly time sa ere ng Metro Manila at karatig lugar. AP/Bullit Marquez

Binigyan naman ng arrival honors ng mga opisyal ng Tactical Operations Group XI sa Old Davao City Airport si President Duterte matapos itong lumapag gamit ang nasabing jet.

Magugunita na nilinaw ni Digong sa unang Cabinet meeting noong Huwebes na iwasan ang kinaugaliang magdeklara ng 30-minute Hiatus (no-fly zone kapag ang presidential plane ay mag-take off sa airport partikular na sa Ninoy Aquino International Airport.

“We do not have any presidential plane anymore. I want this stopped, We should not be treated different from other suffering Filipino passengers,” pahayag ni Pres. Duterte sa Cabinet meeting.

Inatasan naman ni Duterte si Trans­portation and Communication Sec. Arthur Tugade na pagsabihan ang CAAP kaugnay sa nasabing patakaran sa presidential fllights.

“But if anyone of us is given priority to take off, then pasalamat tayo. But we should also follow everyone’s travail, pila tayo,”dagdag pa ng Presidente. Phil. Star News Service

Originally posted at Pilipino Star Ngayon on July 3, 2016 . See the whole article here: No special treatment sa 1st presidential flight ni Digong